Ballkani ka shënuar fitore me rezultat 1-3 në udhëtim tek Ferizaj në kuadër të xhiros së tretë në elitën e futbollit kosovar.

Ndeshja nisi më mirë për mysafirët që shënuan me Marsel Ismajlgeci në minutën e 13-të të takimit, shkruan Arbresh.info.

Por menjëherë pas këtij goli, vendasit u këndellen dhe gjetën golin e barazimit.

Remzifaik Selmani barazoi për Ferizajn në minutën e 34-të në ndeshje.

Goli i fitores për Ballkanit erdhi në minutat shtesë, kur suharekasit fituan penallti në minutën e katërt shtesë. Në gol e konkretizoi Serebe, i cili edhe i dha fitoren Ballkanit.

Ndërsa në minutën e 10-të shtesë, po i njëjti futbollist e vulosi fitoren e Ballkanit, ku shënoi golin e dytë personal dhe të tretin për skuadrën.

Pas këtij triumfi skuadra e Orges Shehit ka pesë pikë të grumbulluara dhe ndodhet në pozitën e katërt kurse Ferizaj është i treti me gjashtë sosh./Arbresh.info